Popular Bible Verses from Jamys 2

Share

Yndella ynwedh, fydh hy honan, mar nyns eus gwriansow gensi, marow yw.

Rag kepar dell yw an korf marow heb spyrys, yndella ynwedh, marow yw fydh heb gwriansow.

Pyth yw an les, ow breder, mar lever den bos fydh ganso, mes nyns eus gwriansow? A yll fydh y selwel?

Ty a grys bos Duw onan. Yn ta y hwre'ta. An dhywolow ynwedh a grys, ha krena.

Mes nebonan a lever, ‘Yma fydh genes jy, ha gwriansow genev vy.’ Diskwa dhymm dha fydh jy heb gwriansow, ha my a vynn diskwedhes dhis ow fydh vy der ow gwriansow.

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Ty a wel den dhe vos justifiys dre wriansow, a-der dre fydh yn unnsel.

Ty a wel bos fydh ow kesoberi gans y wriansow ha bos fydh kowlwrys dre wriansow.