Popular Bible Verses from Jamys 1

Share

Tybewgh pup-tra dhe vos lowena, ow breder, pan goedhowgh yn provow divers, ow kodhvos an prevyans a'gas fydh dhe wul perthyans.

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Ha gwres perthyans kowlwul y ober may fewgh perfydh ha dien, heb bos dhywgh fowt travyth.

Bedhewgh gwrioryon a'n ger, heb bos goslowysi yn unnsel, owth omdoella.

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Rag den mars yw goslowyas a'n ger heb bos gwrier, ev yw kepar ha gour a wel y fas genesik yn gweder. Ev a wel y honan ha mos dhe-ves hag ankevi a-dhesempis py par den yw.

Kryjyans glan hag andhefolys a-dherag Duw an Tas yw hemma; mos dhe vires orth omdhivasow ha gwedhwesow yn aga anken, hag omwitha dinamm dhiworth an bys.

Na leveres denvyth a vo prevys, ‘Gans Duw prevys ov vy’; rag ny yll Duw bos prevys gans drog, ha ny brev ev y honan denvyth. Mes prevys yw pub den yw tennys ha dynys der y dhrokhwansow ev.

Mes gwres bostya an broder uvel yn y ughelder