Popular Bible Verses from Jenesis 50

Share

Ha hwi, hwi a dewlis droktra er ow fynn; Duw a'n tewlis dhe vos dader, may teffa an dra dell yw y'n jydh hedhyw: dhe witha tus pals yn few.

Mes yn-medh Yosep dhedha, ‘Na berthewgh own. Esov vy yn le Duw?

Ha lemmyn, na berthewgh own. My a vynn agas sostena, hwi ha'gas fleghes.’ Hag ev a's konfortyas ha kewsel orta yn kuv.

“Kewsewgh yndella dhe Yosep: Gav, my a'th pys, treuspass dha vreder, ha'ga fegh, rag i re wrug drog dhis.” Ytho lemmyn, ni a'th pys, gwra gava treuspass gwesyon an Duw a'th tas.’ Ha Yosep a oelas pan gowssons orto.

Hag yn-medh Yosep dh'y vreder, ‘Yth esov ow merwel. Duw sertan a wra agas visitya, ha'gas dri yn-bann mes a'n pow ma bys y'n pow a ambosas ev dre di dhe Abraham, dhe Ysak ha dhe Yakob.’

Ena Yosep a wrug dhe vebyon Ysrael gul ti, ow leverel, ‘Sur yw, y fydh Duw orth agas visitya, ha hwi a dheg ow eskern yn-bann alemma.’

Ytho Yosep a verwis, kans bloedh ha deg y oes. I a'n uras, hag ev a veu gorrys yn geler yn Ejyp.