Popular Bible Verses from Jenesis 49

Share

Ny dreyl an welenn dhiworth Yuda na'n dernwelenn a-dhiworth y dreys, erna dheffo ev neb a's pew; ha dhodho ev y fydh omaj an poblow.

‘Skorrenn leun a frut yw Yosep, skorrenn leun a frut ryb fenten. Yma y varrow ow resek dres an ke. An sethoryon a'n provokyas yn feur. Eskarogeth a's teva er y bynn

mes y warak a dhuryas fyrv ha giow y dhiwdhorn dre dhiwdhorn an Galloesek a Yakob, yn hanow an Bugel, karrek Ysrael, dre Dhuw dha das neb a'th weres, ha'n Ollgalloesek neb a'th vennik, gans bennathow an nevow a-vann, bennathow an downder a wrowedh war-nans, bennathow diwvronn ha torr.

‘Yuda, dha vreder a wra dha wormel. Yma dha leuv war gilbenn dha eskerens. Mebyon dha das a ombleg dhiso. Kolen lew yw Yuda. Dhiworth an preydh, ow mab, ty res eth yn-bann. Ev a blattyas, ev a wrowedhas kepar ha lew, ha kepar ha lewes; piw a wra dhodho sevel?

‘Rewben, ow hynsa-genys osta, ow krevder ha kynsa frut ow nerth gourel, moyha yn reowta, moyha yn krevder. Ewynek avel dowr, ny vydh dhis ragwir, rag ty eth yn-bann dhe weli dha das. Ena ty a'n defolas; ty eth yn-bann dhe'm growedhva.