Popular Bible Verses from Efesianys 4

Share

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

gans pub uvelder ha klorder gans perthyans, ow kodhav an eyl y gila yn kerensa

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Bedhes pub hwerowder ha sorr ha konnar ha garma serrys ha sklander gorrys mes ahanowgh, gans pub drog.

‘Bedhewgh serrys ha na wrewgh pegha.’ Na wres an howl sedhi war agas sorr, ha na rewgh tyller dhe'n jowl.

may hworrewgh mes ahanowgh an den koth, agas bewedh kyns, yw shyndys dre fals hwansow, ha dhe vos nowydhhes yn spyrys agas brys, ha dhe wiska an den nowydh yw gwrys war-lergh Duw yn ewnder ha sansoleth a dheu dhiworth an gwir.

hwansek dhe witha unnsys an Spyrys y'n golmenn a gres.

Hag ev a ros re dhe vos abesteli, re profoesi, re aweylers, re bugeledh ha dyskadoryon, rag darbari an syns dhe hwel menystrans, dhe dhrehevyans korf Krist, erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist

ma na ven namoy fleghes, tewlys gans mordonnow ha degys a-dro gans pub gwyns a dhyskas, dre sotelneth tus, yn sleyghneth bys y'n felder a doell. Mes ow kewsel an gwir yn kerensa, res yw dhyn tevi ynno ev yn pup-tra, neb yw an penn, Krist