Popular Bible Verses from 1 Yowann 3

Share

A fleghigyow, na geryn yn ger nag yn taves, mes yn ober hag yn gwirder.

Dredhi ni a wel kerensa, drefenn ev dhe hepkorr y vewnans ragon: ha ni a dal hepkorr agan bewnans rag an brederedh.

Otta, py par kerensa re ros an Tas dhyn, bys ma'gan henwir fleghes Duw. Ytho ny'gan aswonn an bys drefenn na'n aswonni ev.

Neb a begh, a'n jowl yma; rag an jowl a begh a-dhia'n dalleth. Dhe'n porpos ma y feu diskwedhys Mab Duw, rag may tistrua oberow an jowl.

Neb yw dineythys a Dhuw, ny begh ev; rag y has a bes ynno: ha ny yll ev pegha, drefenn y vos dineythys a Dhuw.

Mes neb a'n jeves pyth an bys ma, hag a wel bos dh'y vroder edhomm hag a dhege y golonn orto, fatell drig ynno kerensa Duw?

Ha'n re a with y worhemmynnow, a drig ynno, hag ynna ev a drig. Ha dredhi y hwodhon y trig ev ynnon, der an spyrys re ros dhyn.

Yn homma yth yw diskwedhys fleghes Duw, ha fleghes an jowl: neb na wra ewnder, nyns usi ev a Dhuw, na'n den na gar y vroder.

Rag hemm yw an messaj re glewsowgh a-dhia'n dalleth, may karren an eyl y gila.

Na vedhewgh sowdhenys, A vreder, mara'gas kas an bys.