Popular Bible Verses from 1 Yowann 2

Share

Na gerewgh an bys, na'n traow usi y'n bys. Mar kar nebonan an bys, nyns usi ynno kerensa Duw. Rag pup-tra eus y'n bys, lust an kig ha lust an lagasow ha goeth bewnans, nyns esons a'n Tas mes a'n bys.

Ha'n bys a dremen, ha'y lust: mes neb a wra bodh Duw a vew bys vykken.

Neb a lever ev dhe driga ynno, y tegoedh dhodho ynwedh kerdhes par dell gerdhi ev.

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

Neb a lever, ‘My a'n aswonn’, mes ny with y worhemmynnow, gowleveryas yth yw ev, ha nyns usi an gwirder ynno.

Ha dredhi y hyllyn bos sur y'n aswonnyn, mar kwithyn y worhemmynnow.

Neb a lever y vos y'n golewder, hag a gas y vroder, yma ev y'n tewlder bys omma.

Piw yw an gowleveryas marnas neb a nagh Yesu dhe vos an Krist? Hemm yw an Antekrist neb a nagh an Tas ha'n Mab.

Pub huni neb a nagh an Mab, na byth moy ny'n jeves an Tas; neb a aswonn an Mab a'n jeves an Tas ynwedh.