Popular Bible Verses from IPESIANG KVDVNG 4

Share

Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.

appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula

Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc.

Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc.

Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka. Odokkc uidcm okkomsin ido-gvdopc ayircm biyoka.

Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki. Odokkc noluk asinkvdv:dok yalodo anumonamc, odokkc anu scwu-sobabdcm gcdo, Ru:ncpvnck dumsimigmoru:pc ru:nam aropc dormokanamki odokkc angukokki.

Yalodo lckolakkopc inamdcm du:tv:la mcnganno lckopc du:dopc.

Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc. Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc. Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc.

Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki. Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji.