Popular Bible Verses from MATHAI 28

Share

Chidaze ningnui tat ze, heramzatme leine je kenieme hang tew gai ze, Bepeu, pe Na, zai Herui Ka’nchibe ji gene penui je baptistew ze, ningnui je I samdiegaibe leine reî’mmi le ra hangge penui je geteilia lau; zai ni pie le lau, rehei kamgairabe riâ chang ze ningnui dage I bam bam gu lei,” kacheu de lei.

Zai Isua penui dage wang lu, penui je ’mpau ze, “Tinggîm ge benai kedeirei ge rezie bambe leine achu pei gai ’nde lei.

Kane tinggîm angel’mpeu ne ’mpuimi kena je ’mpau ze, “Hing se lau; heling ge giagai’ndipeu Isua je ningnai peurua lei be I chî lei. Aige pa â ga de lei; pa ne rangbe luigum ze, pa â chu dai de lei, wang ze pa jeibe bâm pie le lau.

Dadege Isua ne penai je, “Hing se lau, Galili ’mbe tat ra hangge a puiname dage tat ze salia be lau, chige penui achu ngau gu lei,” ze acheu bei de lei.

Zai gechîngme benai penui wang’ndui lu, samhedeitew lu dege, sipaime je rangkâng misongga penui pei gai ze, “Ziemmena ramme je ranglia be lau, ‘Tingmuî ne pe gu kenieme wang ze anui jeidibe lua ne pechu hegatat ti de lei,’ ze acheu zeu. Zai laksaibe aize seuchang dizai â, anui ne pechu kiâm ’ndu lei, zai ningnui je tewhereu ra mak lei,” ze acheu bei de lei. Dadege penui ne rangkâng lu lu, penui ne rangbeibe luigum ze penui tew de lei; zai aipau rasam ze Judame ruage nemai riâ chang ze sa lamui lei.