Popular Bible Verses from Fakahā 9

Share

Ko e toenga ‘o e kakaí, ‘a ia ko e kakai na‘e ‘ikai ke mate he ngaahi faingata‘a fakalilifu ko ení, na‘e ‘ikai ke tuku ‘enau lotu ki he ngaahi me‘a na‘a nau ngaohí. Na‘e ‘ikai pē ke tuku ‘enau lotu ki he fanga tēvoló, kae hoko atu pē ‘enau ‘otua‘aki e ngaahi tamapua na‘a nau ngaohi‘aki e koula, mo e siliva, mo e polonise, mo e maka, pea mo e ‘akau. Na‘e ‘ikai ha taha he ngaahi tamapua ko iá ‘e lava ‘o sio, pe fanongo, pe ‘alu. Pea na‘e ‘ikai ha taha ia ‘e tuku ‘ene fakapoó, pe ko ‘ene fakalou‘akaú, pe ko ‘ene tō‘onga fakalieliá, pe ko ‘ene kaiha‘á.

Pea ‘oho mai ha fanga he‘e mei he ‘ahú ‘o ‘ufi‘ufi ‘a māmani. Pea na‘e ‘oange kiate kinautolu e fa‘ahinga mafai ‘oku ‘i he sikopió. Na‘e fekau e he‘é ke ‘oua te nau faka‘auha e mohuku ‘i māmaní, pe ko ha ‘akau lalahi pe iiki, kae tautea pē ‘a e kakai ‘oku ‘ikai ke hā ‘i honau la‘é ‘a e faka‘ilonga ‘o e ‘Otuá.

Pea ko ‘ene ifi pē ‘e he ‘āngelo hono nimá ‘ene talupité, peá u sio atu ‘oku tō hifo ha fo‘i fetu‘u mei langi ki māmani. Na‘e ‘oange ki ai ‘a e kī ki he hifo‘anga ki he luo ta‘e-hano-takelé.

Na‘e fakangofua e he‘é ke nau fakamamahi‘i e kakaí ‘o māhina ‘e nima, ka na‘e ‘ikai ke fakangofua ke nau tāmate‘i kinautolu. Ko e fakamamahi na‘a nau faí na‘e hangē ko e u‘u ‘a e sikopió.

Ko honau tu‘í ‘a e ‘āngelo na‘e pule he fu‘u luó. Ko hono hingoá ko ‘Apatoni (ko Faka‘auha) ‘i he lea faka-Hepeluú, pe ko ‘Apolioni ‘i he lea faka-Kalisí.