Popular Bible Verses from Fakahā 7

Share

Pea hili iá na‘á ku sio ki ha fu’u kakai na‘e ta‘e ma fa‘a laua hono tokolahí. Ko e kakai mei he matakali kotoa, mo e ha‘a kotoa, mo e fonua kotoa, mo e lea kotoa, ‘oku nau tutu‘u ‘o hanga ki he taloní mo e Lamí. Kuo nau teunga hina kotoa mo to‘o taki taha ha va‘a paame, mo kaila

“Ko e ‘Eiki ko homau ‘Otuá ‘a ia ‘oku ‘afio ‘i he taloní, ‘okú ne mafeia ke fakahaofi hono kakaí, pea pehē pē mo e Lamí.”

Ko e Lami ‘i loto taloní, te ne hoko ko honau tauhi. Te ne taki kinautolu ki ha ngaahi matavai fakamo‘ui, Pea ‘e toki holoholo kotoa ‘e he ‘Otuá ‘a honau lo‘imatá.

Pea nau tutu‘u ai ‘i mu‘a he taloni ‘o e ‘Otuá ‘o lotu kiate ia ‘i hono Temipalé, ‘i he ‘aho mo e pō. Pea ko ia ‘oku ‘afio ‘i he taloní, te ne fokotu‘u hono tēniti ‘o fakamalumalu kinautolu. ‘E ‘ikai te nau toe fiekaia pe fieinua, Pea he‘ikai ke toe taa‘i ‘e he la‘aá, pe te nau velahia.

“Vakai na‘a mou maumau‘i e fonuá, pe ko e tahí, pe ko ha fu‘u ‘akau. Mou tatali pē kae‘oua kuó u paaki ha faka‘ilonga he la‘e ‘o e kau sevāniti ‘a hotau ‘Otuá.” Peá u toki fanongo ‘oku lau e tokolahi ‘o e kakai kuo faka‘ilonga‘i honau la‘é, tā ko e toko 144,000 mei he ngaahi matakali kotoa ‘o ‘Isilelí