Popular Bible Verses from Fakahā 20

Share

Pea ‘ilonga ha taha na‘e ‘ikai tohi hono hingoá ‘i he tohi ‘o e mo‘uí, na‘e fakapuna atu mo ia ki he fu‘u ano afí.

Peá u sio ki he kakai kuo maté, ‘a e lahi mo e si‘i, ‘oku nau tu‘u ‘o hanga ki he taloní, pea kuo fakaava hake ha ngaahi tohi. Pea toki fakaava leva mo e tohi ‘o e mo‘uí, kae fakamāu‘i e kakai maté ‘o fakatatau ki he fakamatala ‘a e ngaahi tohí ki he‘enau tō‘onga mo‘uí.

Na‘e tuku ange mai ‘e he tahí ‘a e fa‘ahinga na‘e mate aí, pea toe tuku ange mai ‘e Mate mo e pule‘anga ‘o e maté ‘a ‘ena kakai maté. Pea fakamāu‘i kinautolu kotoa pē ‘o fakatatau ki he‘enau tō‘onga mo‘uí. Pea toki fakapuna atu ‘a Mate mo hono pule‘angá ki he fu‘u ano afí. Ko e mate ‘anga uá ia.

Na‘e hā mai kiate au ha fu‘u taloni hinehina mo ha toko taha ‘oku heka ai. Pea feholaki ‘a langi mo māmani meiate ia, ka na‘a nau fiu kumi ha feitu‘u ke toi ai.

Ka hili e ta‘u ‘e taha afé, pea ‘e tuku ange ‘a Sētane mei hono pilīsoné. Pea te ne ‘alu ke fakahala‘i e ngaahi pule‘anga ‘i he tuliki ‘e fā ‘o māmani, ‘a ia ko Koki mo Makoki ia, ke uki mai kinautolu ki he tau. ‘E hangē ko e ‘one‘one ‘o e matātahí ‘a honau tokolahí.