Popular Bible Verses from Fakahā 16

Share

Vakai na‘a ngalo e folofola ‘a Kalaisí, “‘E fakafokifā ‘eku ha‘ú, ‘o hangē ha kaiha‘á! Ka ‘e tāpuaki‘i kimoutolu ‘e he ‘Otuá ‘o kapau te u ha‘u ‘oku mou ‘ā mo mateuteu. He te mou hao ai he ‘alu tēlefua holo mo e fakamā ki he sio ‘a e kakaí.”

Na‘e hua‘i ‘e he ‘āngelo hono onó ‘ene ipú ‘i he fu‘u vaitafe ‘iloa ko ‘Eufaletesí, pea maha pakupaku ia, ‘o hoko ko e hā‘ele‘anga mai ‘o e ha‘a tu‘i mei Hahaké.

Na‘e ma‘u mafai ke fai mana ‘a e ngaahi laumālie-kovi ko ení, pea nau a‘u ki he ha‘a tu‘i kotoa pē ‘i māmani ‘o uki mai ke tau‘i e ‘Otua Māfimafí. Ka ‘e hoko e ‘aho ko iá ko e ‘aho e ikuna lahi ‘a e ‘Otuá.

Pea hū mai leva mei he ngutu ‘o e fu‘u ngatá ha laumālie-kovi na‘e hangē ha potó, pea hū mai mo ha laumālie-kovi pehē ‘e taha mei he ngutu ‘o e manu fekaí, mo e taha mei he ngutu ‘o e palōfita loí.

Na‘e vela ‘a e kakai kotoa pē ‘i he‘ene fu‘u kakahá, pea nau lea kovi kotoa pē ki he huafa ‘o e ‘Otuá, koe‘uhí ko ‘ene pule ki he ngaahi faingata‘a fakamamahi ko ení kae ‘ikai ke ne ta‘ofi. Na‘e ‘ikai ha taha ‘e tafoki ki he ‘Otuá ‘o fakalāngilangi‘i ia.

Pea hua‘i ‘e he ‘uluaki ‘āngeló ‘ene ipú ki māmani. Pea laku mai ai ha ngaahi hangatāmaki palakū mo fakamamahi he sino ‘o e kakai kotoa pē ne ‘ai ‘iate kinautolu e faka‘ilonga ‘o e manu fekaí pea kuo nau lotu ki hono ‘īmisí.

Na‘e fetaulaki e ngaahi konga kaú he feitu‘u ‘oku ui faka-Hepelū ko Hamaketoni.