Popular Bible Verses from Fakahā 11

Share

Na‘e ifi ‘e he ‘āngelo hono fitú ‘ene talupité, pea ongo mai ha fu‘u le‘o ‘i langi ‘oku pehē, “Kuo ma‘u eni ‘e hotau ‘Eikí mo ‘ene Kalaisí ‘a e ngaahi pule‘anga ‘o māmaní. Pea te ne pule ‘o ta‘e ngata pea ta‘e ngata!”

Na‘e ‘ita e tukui fonuá pea houhau ai mo e ‘Afió na. Pea kuo hoko mai e ‘aho ke fakamāu‘i mo e kakai kuo maté. Ko e ‘aho eni ke ke fakapale‘i ai ho‘o kau sevāniti ko e kau palōfitá, Mo ho kakai kotoa na‘a nau fakalāngilangi‘i ho huafá, ‘A e lalahi mo e iiki. Ko e ‘aho eni ke faka‘auha ‘a kinautolu kotoa na‘a nau faka‘auha ‘a māmaní.”

‘E tauanga‘a ‘eku ongo fakamo‘oní, pea te u fakamafai‘i kinaua ke na tu‘uaki e finangalo ‘o e ‘Otuá ke fe‘unga mo ha ‘aho ‘e taha afe uangeau mā onongofulu.

Ka ‘o ka hili ha ‘aho ‘e tolu mo e konga, ‘e toe hū ha mānava mo‘ui mei he ‘Otuá ki hona ‘anga‘angá, pea te na toe tu‘u hake, pea ‘e manavahē ‘a e kakai kotoa te nau sio kiate kinauá.

‘Okú na ma‘u mafai ke tāpuni e langí ke ‘oua na‘a tō ha ‘uha ‘o kapau ‘okú na lolotonga malanga‘i e finangalo ‘o e ‘Otuá, mo e mafai ke liliu ha vai ke toto, pe fakatupu ha ngaahi faingata‘a fakalilifu kehekehe ‘i māmani.

Ko e ongo fakamo‘oní ‘a e ongo fu‘u ‘ōlive mo e ongo tu‘unga-maama ‘oku tu‘u ‘i he ‘afio‘anga ‘o e ‘Eiki ‘oku pule ‘i māmaní. Pea ka ai ha fili ‘e ala kiate kinaua, te ne ‘auha he afi ‘oku ‘alu atu mei hona ngutú.