Popular Bible Verses from 1 Tīmote 6

Share

‘Ai ke ke to‘a ‘i ho‘o tuí ka ke ikuna ‘a e mo‘ui ta‘e ngatá. Ko e mo‘ui ia na‘e ui koe ki ai ‘e he ‘Otuá ‘i he ‘aho na‘á ke talaloto‘aki ai ho‘o tuí kae fanongo ‘a e kāinga lotu tokolahi.

Ko e mānumanu koloá, ko e tupu‘anga ia ‘o e ngaahi kovi lahi. Ko e ‘ātunga ē ‘o e hulu e fie ma‘u koloa ‘a e ni‘ihi, kuo nau lī‘aki ‘aupito ai ‘enau tuí, pea hoko ai pē mo ‘enau mo‘ua he ngaahi mamahi lahi.

Pea ko e mo‘oni pē te te tu‘umālie ai, ‘o kapau kuó te fiemālie he‘ete me‘a ‘oku ma‘ú.

Na‘e ‘ikai ke tau ha‘u ki he maama ko ení mo ha me‘a, pea he‘ikai ai pē te tau hiki atu mo ha me‘a.

Fakatokanga ange ki he kakai ma‘u me‘a ‘o e maama ko ení ke ‘oua te nau hīkisia pe falala ki he koloa ‘oku mole ngofuá. Tala ange kiate kinautolu ke nau tui ki he ‘Otuá, he ‘oku koloa‘ia ia. Pea ‘okú ne tāpuaki‘i kitautolu ‘aki ‘a e me‘a kotoa pē ‘oku fe‘unga ke tau ma‘u ke tau fiemālie ai.

Ko e kakai ‘oku holi ke ma‘u me‘á, te nau mo‘ua he ngaahi ‘ahi‘ahi mo e ngaahi fakatauvele ‘o e havala ta‘e fakapotopoto mo fakatu‘utāmaki, pea te nau hinga ai ‘o ‘auha.

Fale‘i kinautolu ke fai tūkuingata he ngāue ‘aonga ma‘á e kakaí mo tokoni‘i kinautolu. Fakamanatu ange ki he kakai ‘oku tu‘umālié ke nau nima homo mo fie vahevahe mo ha ni‘ihi ‘enau me‘a ‘oku ma‘ú. He ko ‘enau fakatoka ia ha makatu‘unga pau ‘o honau kaha‘ú. Pea te nau ‘ilo leva e anga ‘o e mo‘ui mo‘oní.