Popular Bible Verses from ROM 6

Aziehpen khelna thaman shina ahi, hinanleh Pasian silthawnpieh khu i Mangpa uh Jesu Khrist ziehin kumtawn hinna ahi.

Aziehpen khelnain na tung uah, thu anei nawn sih ding hi, aziehpen dan nuoi a um na hisih ua, hepina nuoi a um na hizaw uhi.

Tuaziehin Pa thupina in mishi lah a kipat in Khrist a kaithaw banga eite zong hinna tha a i hin theina dingun ashina ah baptis in ama toh vuiin i um uhi.

Na tahsa hiengte uh zong dihtatlouna vanzah ding in khelna kungah pe sih un; hinanleh mishi lah a kipat a hing kia bangin, Pasian kungah kipie unlen, na tahsa hiengte u’zong dihtatna vanzah dingin Pasian kungah pe zaw un.

Khelna tahsa mangthai sah a ium theina dingin leh khelna suoh a i um nawnlouna dingun i mihing lui uh Ama toh kilbeh in a um hi, chi ithei uhi.

Tuabangmain noute zong khelna lam thu ah ashisa in kingai unlen, hinanleh Pasian lam ah pen i Mangpa Jesu Khrist zal in ahingin kingai un.

Tua ahileh bang igenta diei? Hepina apun semna dingin, khelna ah ium ngitnget ding uh adiei? Um ngitnget lou e! Eite khelna a shisate, bangchin khelna ah ihing thei nalai diei?

Khiel laizang lou e. Shina dinga khelna suoh hiin, dihtatna dinga thumanna suoh hitahleh, koipou kungah zong thumang dinga suoh a na kipiehlut chiengun, athu na manpa uh suoh na hi uh chi, na kithei sih uh amah?

Hinanleh Pasian kungah kipahthu um hen, khelna suoh na hinan ulachin zong, noute hing kipie kihilna thu dan khu lunglut tahin na zuita uhi. Khelna akipat zalensah in na hing um ua, dihtatna suohte na hing hita uhi.