Popular Bible Verses from ISAIA 55

Share

Tümüde I lümkhibo ju nü lümkhibo yung, yungsho nü limrobo ju I limrobo yung, ATUNGPUHNü thachoh.

Tümüde yinmibo ju alomi kheaknü achangbe, junangde I limrobo ju nü limrobo kheaknü achangbe tüsho I lümkhibo ju nü lümkhi kheaknü achangbe.

Api ngüpü lachoki ATUNGPUH yimang, api thüninde lachoki api ki jiang

mihbukmuyuknü arü limro tüsho thiyuro mülarünü arü lümkhi bahyukshang; arünü ATUNGPUH kilim rholoshang, junangde apinü arü kheak mihmüthsüm labah, tüsho isa Thrünpuh kilim rholoshang, tümüde apinü suhdahde neak bahjihbah.

He, sherü kethürila, ke ching arang; tüsho nüsa sho mülarübo, arang, luang tüsho tsühang! Arang, yukhu tüsho niuhke adün müjihde luang.

Tümüde tsüng tüsho phürüm thüning chingnü akichoh, tüsho alo müpangyi khiungde ju ching müyükihlo, bemusushihde tüsho mukhuhshihde, müjih-hiurü kilim müjih jihde tüsho atsührü kilim yikhap jihde, junangde I mün ching I yu wukhiukbah; I kilim akeangkeang malodarü tüshe I lümkhi akuk ngübah, tüsho inü thiyikhi ching kukzambah.

Tümüde nü asühachihkhi ching wukhiukbah, tüsho mungtsü ching belodarübah; nü müngüh lakhi awungbo tüsho amujukbonü khün thsüde alanbah, tüsho thulu ching sangbo alalanü khah dambah.

Nü nükhün muphoang, tüsho I kilim arang; aniang, junangde nü labah. Inü nü kheak akheam mülakhi tangzüng, inü muzhodakkhi, David thsungkheak tsükjide muzhokhi labah.