Popular Bible Verses from YUZÜNGTHALO 11

Share

Nüsa yam ching binchoki, nüsa limro ching tsahchoki, nüsa ayapchoki tüsho asürüchoki nüsanü harü nüsa tsührübo ki thsangyubah.

“Jumonü nüsanü I yu harübo nüsa mulong tüsho me ching zoang tüsho jurübo mümihpü thsüde nüsa khahbo tüsho kingkangbo kheak rümkihang.

“Tüsho nüsanü khihni inü ajihkhi thiyukhümbo düshihde anide, nüsa mulong athrünkhinü tüsho me athrünkhinü ATUNGPUH nüsa Thrünpuh tankihsho, nüsa lo thsungkheaknü inü akheahmünchi ching, akhuhbe tüsho ashube tsüng arüshihbah, junangde nüsanü hi, yukhu tüsho oliv müdangke hanmukhungbah.

“Jumonü nünü ATUNGPUH nü Thrünpuh muzhoang, tüsho apinü alunekhibo, yakzanbo, thiyuzüngbo, tüsho thiyukhümbo kamruhroro zoang.

“Kheahang, inü khihni nüsa miki müngühmühi khülang tüsho muthrumünean khülang zojihchoh: khihni inü nüsa ki thiyukhüm jihkhi ATUNGPUH nüsa Thrünpuh yukhümbo anisho müngühmühi; tüsho inü nüsa khihni thiyukhüm jihkhi ATUNGPUH nüsa Thrünpuh yukhümbo manide rholobah nüsanü mümükheahkhi püpü thrünpuhbo kilim yüsho, muthrumünean.

Tüsho nüsanü jurübo nüsa yam ripit dungjingbo tüsho chipimurungbo kheak thrütkih-a zoang, junangde ATUNGPUHNü nüsa jipürü ki arü jihpü thiyuchihchimkhi lo ching alomi kumung thüning lakhi khiungde nüsa le nüsa tsührübo kutsüpde alabah.

Nüsanü ha tsüde aniang, jude yungsho nüsa mulong bephülapde püpürü thrünpuhbo tankihbah tüsho kingaünbah