Popular Bible Verses from MATTHAI 18

Share

Keima min ah mi pani a hem, pathum a hem la um khawmnau ah chun kei pakhat ah pang zing sek ka hingal a, a tia.

Zia hi a vêlin ka hun hil kit la hiu, lei chung ah mi pani’n kithu gual tak ah thil la dot uh chu, ka pa van ah um chun hi’piak ding ahi.

Jesu’n naupang neucha khat a kiang in a ko ah, a lak un a dinsak a: Titakzet in ka hil la hiu, la lung uh la hun hei ua, naupangte gual ah la umlo ua leh van-gam ah lut pua’n lau.

Kuale zia naupang gual ah kingainiam tapo chu, zia mi chu van-gam ah a lopi pen hung hiding ahi.

Kuale zia tawhbang naupang hi, keima min ah a la lop chun keima ei lop hiding ahi.

Titakzet in ka hil la hiu, lei ah la kân uh chu van ah le kân hi’n tin; lei ah la thap chu van ah le thap hi’n a.

Zia gual ah chun, mitin in la lunggil tak ua la suapiteu la ngaidam lo ua leh, ka Pa van ah um inle zia gual ma chun la chung un hun bawl ding ahi, a tia.

Himaleh, kuale zia tawhbang mi neu, keima ei gingte lak ah pakhat cha hile kipûksak chu, a ngawng in buhêkna suang kikhâi hen la, tuisuagiat thuk tak ah kisep lut leh ama â dingin pha zaw’n a.

Bang la ngaituau em? Mi pakhat in belam za khat nei hen la, a lak ua pakhat chu mang ta leh, sawmkua leh kuate chu nusia in tâng ah te chia in, a mang pen chu vahawl lo ding a hem?