Popular Bible Verses from KAMHÔKA 6

Share

Meūkö ngaich tö ò ök ma-ahānga aṅ im Mā Tēv, ngö ṙô anga-aṅ tö ò, In meh An ngam Mā Tēv më-eṅ tökalēḵ tarik öm tömihôiṅ.

Hatīönken ò ngaich ngam Mā Tēv, ngaich ngö ṙô, Kuṙòh i ngih kumlēḵ man kiröönngöre, hayöölen Israĕl ṙā-ang eltī yip aṅ Mītīa: röh öich chū-ö tamīnngen meh?

Ngaich ngam Mā Tēv nö ngö ṙô tö ò, Kô-en chin min in meh, ngaich më-eṅ min fëlngö yip aṅ Mītīa sā nyaha töng hĕng tak tarik.

Ngaich ngö ṙô Kītīön tö ò, Ō Mā chu, yē ngam Mā Tēv nö in ih, kūöyòh pönri në lāinyngen nö in ih? Isuh nuk inrē pinngangkūö la-en nuk tö-eūka tö yik muvöhngö ih, nö ngö ṙô, Röh ang misī ngam Mā Tēv nö kēnyen hī ṙā-ang Aikup? Ngaich pöri töngamuh ngam Mā Tēv nö kavalngen ih, kēten ih inrē eltī aṅ Mītīa.

Ngaich anga-aṅ nö ngö ṙô tö ò, Ō Mā, aṅtī tö yòh öich min hayöölen Israĕl? Yĕh meuk, manā-angkūö yanāchö öp mupīhö chu nö in Manāsē, ngaich chū-ö inrē tökūönö kūö yip aṅ patī öp yöng chu kikōnyö.

Ngaich yih ök ma-ahānga aṅ im Mā Tēv, ngaich ūichngöre nö elkatòh ök ōk mi-i Ôfrah, Yô-as ök minë-eny ò aṅ Apiēsör ngaich Kītīön ök kikōnyö kūön ò nö piṙōng ṙòng vīt nö ik kinrān vāin, nö hayunngö e tö yik aṅ Mītīā.

Ngaich Kitīön nö vīlö tahāklö im Mā Tēv, ngaich kaheūkö e nö Yavē Salom; ōtren ap töngamuh nö i Ôfrah yip aṅ Apisārī.

Ngaich ngö ṙô anga-aṅ tö ò, Yē chu tö inkôluṙô öich i kūö meh, hameukhömat chu yēḵ töp hĕng minkahngö tö meh öm më-eṅ va-me-eṅkūö chu.

Ngaich ngam Mā Tēv nö ngö ṙô tö ò, Lanāmö yēḵ in meh; um pa-ekūö: öthō man kapah.

Ngaich yik kūön Israĕl nö la-evṙen tö tötlöök nö i kūö ngam Mā Tēv: ngaich kēten cha ngam Mā Tēv nö sat samyeūheu nö eltī aṅ Mītīa.