Popular Bible Verses from KAMHÔKA 16

Share

Ngaich ngö ṙô anga-aṅ, Semsön Filistian yin vē in meh. Choholre ngaich anga-aṅ nö ṙā-ang ik inṙôhò, ngaich ngö ṙô, Hòṅ kunnyī-inyre chin sāre ṙung, öich piyònglö alahare. Öt akahalōn pöri anga-aṅ tö ngam Mā Tēv nö rāngen ò.

Ngaich Semsön nö havëkö ngam Mā Tēv, nö ngö ṙô. Ō Mā Tēv, fē-ĕlre tö chu, vë-ekūö meh chin, hangëken chu, vë-ekūö meh chin, höng hĕng törheuh. Ō Tēv, hòṅ chu havāhalvah re i vē Filistain tö në tönët matre.

Ngaich keuheūtnyö ellōnre anga-aṅ nö ve-enynang ò, nö ngö ṙô tö ò, Öt hĕng nòng kinmöp tö ngaich nö el kui chu: pò chu löktökūö el chūök kanūönö yöngre öich Nasaret im Tēv. Yē chu kuhāki, ngaich öp kumlēḵ chu min nö kiröönngöre nö ṙāngen chu, ngaich chū-ö min öt kalēḵ, sā töng tarīka inrēngöre.

Ngaich hē ò nö öt hĕng hang sumkam nö līpnyö ṙô ò, nö mileūchen, ngaich hòṅ kapah anga-aṅ tö kanihngen ellōnre.

Ngaich ngö ṙô Sēmsön, Hökngen chu kapah anòngngen vē Filistain. Holtö kumlēḵre ngaich anga-aṅ nö sōnngöre; fukngö ngaich ngam patī nö i kui yik mā, i kui yik tarik inrē nö ṙòkhöre me-ël e. Lökten yik tökapah fahëlngö ò ik kinpaha ò nö mötlö tö yik fahëlngö ò hē ò nö aṅ.