Popular Bible Verses from Isayā 54

Share

Öt hĕng nup min nyahati tövīlöng nö nyahā meh nö kô-òlkui, ngaich me-eṅ min asökngö litāk öp chamôhòlre nö lā-al meh ip inkaha fālen. Angū-ö ön ngih amin yip tarik ngam Mā Tēv minhôinyö cha inrē ṙamā-ang in chu, ṙô ngam Mā Tēv.

Pò në rôngö nö pòrô nö kiröönngöre kē-ĕngre inrē në rung, hö-ö pöri ngam tököp hanāngenlōn chu nö kiröönngöre nö ṙā-ang in meh, ngam kinlēḵngô lanāmö inrē min nö öt kē-ĕyö, ṙô ngam Mā Tēv, ngam tö-aṙē-ĕlōn tö meh, ṙô ngam Mā Tēv.

Um pa-ekūö tön öthō man min siṙōngkūö um kalūöchöre elkui, tön öthō man min sumrōngikūö; pò meh min vaichngö ök sumrōngkūöre öm ayal, ök minṙēngö meh inrē öm tafīösī hö-ö me-eṅ min köpölōn tö e.

Pò ngam Vamī-i meh nö anga-aṅ kikōnyö pīhö meh, Mā Tēv yip tömaṙôngö ap minë-eny ò; ngam Töhĕng Töhet inrē in Israĕl nö Ṙamānyen meh, Tēv ngih panam nö ṙòkhöre ap invëkö ò min.

Ṙūönyö chūök rūkuire man, hökngen nup ranangkūö nup chūökṙen meh nö ṙūönyu ṙôktāk; um heūlköre, ṙūönyö rôta nup tökuvaha meh hangëkö nup tötōktu inrē chōn.

Ṙòkhöre inrē min yip kūön meh kikōnyö nö haköptu tö ngam Mā Tēv, ngaich pōyen inrē min kanôlòṙen yip kūön meh kikōnyö.

I tinṙēchlö ngam lanīnöre chin rahëchhangkūö öich hanyatngö kūöre tö meh, holtö ngam, tötchanūhuvṙen pöri min hanāngenlōn öich aṙē-ĕlōn tö meh, ṙô ngam Mā Tēv ngam Ṙamānyen meh.

Pò chu höng rahëchhangkūö ṙāngen meh, holtö tökiröng miṙēlōn pöri min chū-ö hamūlö meh.

Pò ngih nö in chu nö sā nup sakāmö Nō-a: sā ṙô chu chūöku ṙô tö nup mak hē Nō-a nö sōtu nö havantöre nö i kui ngih tumlat, ngatī chū-ö chūökuṙô töre min öt līn in meh öt hatānyö meh min inrē.

Vī nup tulkui patī meh chin min nö akēt, nup inkūp meh min inrē nö töngāṅvö mat nö ihong, ṙòkhöre min inrē ip kinlōngö meh nö ihong töpōiṙāi.