Popular Bible Verses from Isayā 49

Share

Kô ang ngòh nyīö nö vaichngö tö ngam pamôḵ kūön re, nö öt aṙē-ĕlōn tö ngam nyīö kikōnyö aṅ el chūök kanūönö ò? Hòṅ, vaichngö yin cha-a nö kô-òren, hö-ö pöri chū-ö hō vaichngen meh.

Yĕh meuk, ka-iphötnen meh chin el kintāl eltī re; örheūheu nun minë kinlōngö meh nö i kūö chu.

Ngö ṙô pöri ngam Mā Tēv, Kē-ĕ yip min yip kahë öp tökalēḵ nö pòrô, öp pôḵ öp pinhë-eṅkūö inrē min nö ṙānyuvö pò chu min lā-al cha yip lā-al meh, ngaich chū-ö min hayööken yip kūön meh.

Ngö ṙô anga-aṅ, töhöhövṙen an angū-ö tö meh öm tarik chu mahachohlö miyöngö Yāköp, mahavantö ngam töma-īṅlöng ang Israĕl; kēten meh chin min öm ëāṅvö i yip pumnāmö tarik, hòṅ ngam inyööken aṅ in chu nö sölngö i manā-angkūö ngih tumlat.

Tiköknyö ṙanāmölōn, Ō yī-ö halīöngö, kiröngö ṙanāmölōn, Ō më-eṅ tumlat: tiṙōlnyôre, öi tikökṙôre Ō yī-ö rôngö: tön ngaich an ngam Mā Tēv nö haṙamlōn yip tarik re, ngaich min nö aṙē-ĕlōn tö yip tökihten tarik ò.