Popular Bible Verses from Isayā 43

Share

Yĕh meuk, vī tufömngöre chin; ngaich an nö sīöplöre öt meūkö e ömeh? Vī talöökö chin min el tönyalnyi kuyāyö.

Yē meh lök el mak, in meh chū-ö min; lök el tahël inrē ngaich anū-ö min nö öthōḵ nö pökngö tī tö meh: yē meh lök kūö tameūyö, ngaich öthō me-eṅ min ökngö; öt rēhĕn min ngam töhū kūö nö pachôllöngkūö nö i kui meh.

Uh yin köpölōn tö nuk mu-urĕh, un rēhĕn nö ngëichka nuk hötṙeh.

Ngö ṙô pöri ngam Mā Tēv töngamuh, anga-aṅ ngam vamīlen meh, Ō Yāköp, anga-aṅ inrē ngam mahachipngen meh, Ō Israĕl: Um pa-ekūö tön ngaich chin ṙānyen meh: havëken meh chin tö ngam minë-eny meh, chū-ö chu mana.

Pò meh töpōiṙāi i kūö chu, tö-eū-eu inrē, hāngenlōn chū-ö inrē tö meh; lökten chin min kētö tarik nö lumnööṙö meh, tarik tömaṙôngö inrē nö ṙënngen nômö meh.

Pò chu chū-ö Mā Tēv, Tēv meh Töhĕng Töhet in Israĕl, Mahayööken meh; kēten Aikup chin ngaich nö ṙāi meh lumnööṙö meh inrē Itī-ōpia, Sepa inrē.

Um pa-ekūö; tön holtöṙah meh chin: kētöp kūön meh chin min nö ṙā-ang lā chuhöt, hamūlö meh inrē löktökūö lā sūng

Höng chū-ö chin Anga-aṅ samichngö nuk tanôichngen meh öich höng chööḵnyö töre: ngaich chū-ö min öt köpölōn tö nuk tökööl meh.

Yī-ö yin mameūkö chu, ṙô ngam Mā Tēv ngam tarik chu inrē katöllö chu: hòṅ yīö akahalōn ṙātö ellōn re inrē in chu, ngaich akaha elmat tö chu öich anga-aṅ; urēhĕkūö chu öt tēvu tö tö vī-i öt rēhĕn min nö lā unôichngöre tö chu

Höng chū-ö chin Mā Tēv; öt hōlu chin tö mahayööken.

Hôṅ, löktökūö ik misī chin Öich chū-ö Anga-aṅ; Öt hĕng tak tökô ṙamā-any nö ṙā-ang eltī chu: lā-evṙen chin ngaich achīö tökô nö asökngö tī chu tö e?

Eū-eu chin min tö töṙeūla aṅ elinchōn chakāl ôsrich inrē: pò chu kētö mak el tönyalnyi, tahël inrē el tönyalnyi kuyāyö, nö òk yip tarik chu, katöllö chu: Yip tarik vahī chu nö tarik chu pòn hōtu cha-a nö ṙô-òv tö nöinyö chu.

Ngö ṙô chin min tö ngam lā kapā, Ṙā-angtī re; tö ngam lòhngö inrē, Heūlngöre man; kētö yip kikōnyö kūön chu ṙā-ang tömarôvat, yip kikānö kūön chu inrē ṙā-ang manā-angkūö ngam tumlat. Ṙòkhöre yip töhavëka tö minë-eny chu, yip tövīlöng tö chu inrē tö ineū-eu chu; vahī chu an; hôṅ, chū-ö chin vamī an.

Ngö ṙô an ngam Mā Tēv, ngam vamī talöökö nö el mai, kanröönö inrē nö el tökalēḵ mak; Ngam kamënyö inröl, kōra inrē, kumyung inrē nö kiyung; hulalngöre cha-a nö holtö ṙahre, Öt chōholre min cha-a hanyāngi cha-a min, ngaich sā hilā ëāṅvö nö nyangngö.

Chū-ö chin Mā Tēv, Töhet in Meh, Vamīlen Israĕl, öp rācha yīö.