Popular Bible Verses from Isayā 41

Share

Uh man pa-ekūö, tön in meh chin; um ngangngökūö, tön chū-ö chin Tēv meh: hangëṅlen meh chin min; hôṅ, holṙen meh chin min; hôṅ, ṙapken meh chin min aṅtī tö lahāmö kël ngam lanöökö chu.

Pò chu Mā Tēv öich Tēv meh ṙamapkö lahāmö meh, öich ngö ṙô tö meh, Um pa-ekūö; holṙen meh chin min.

Yĕh meuk, ṙòkhöre yip töföinyö ellōn nö lā-al meh min nö sirōngkūö kalūöchöre el kui inrē: cha-a yip kamlahare nö lā-al meh min nö sā töng rö-övö ngaich payāyi min.

Me-eṅ töṙapka tö chu löktökūö manā-angkūö ngih tumlat, ngaich ṙā-ang kūö sinkeukngö e öich havëken meh, öich ngö ṙô tö meh, Tārik chu man me-eṅ, katöllöng man tö chu rö-ö öm kavāliyö

Chöhöh cha man min, ngaich öt kôtökūö tö cha, cha-a yip töhòṅ lā-al meh: cha-a yip kumyung nö lā-al meh min nöng sā töng rö-öv, sā töng hö-övö inrē.

Um pa-ekūö, Me-eṅ kamlökö Yāköp! Yī-ö inrē tarik Israĕl; holṙen yīö chin min ṙô ngam Mā Tēv; ngam Töhĕng tak Töhet aṅ Israĕl ṙamānyen meh.

Me-eṅ pöri, Israĕl, tarik chu Yāköp ngam katöllö chu, ngam kūön Aprahām ap hol chu.

Löpnyö kūö tahël chin min i kui nup töngasnyi lātulöng, töhëmnyi mak inrē löknyö ellōn nup achāṙö: vī ngam tönyalnyi chin min nö chūök törūḵngö mak, ngam tönyô panam inrē nö chūök töpöklö mak.

Chöh mak öp yāich öp tö hāṅten inrē ngaich rö-övö angū-ö, kavôṙa litāk cha-a ngaich kūö yanālöre; ngaich chū-ö min samap ṙô cha öich Mā Tēv, chū-ö Tēv Israĕl min öich öt ṙāngen cha.

Achīö ap vamīken e nö tökeuheūten tö e, öp mahavëkö tumköl chap tarik nö löktökūö ik raneh? Chū-ö chin, Öich Mā Tēv, mu-uṙĕh, ngaich hol öp manā-aṅ, öich chū-ö Anga-aṅ.

Ul tö sītör chin min el tönyalnyi, tö akasīa chōn martil inrē, tö chōn tavī-i; el tönyalnyi tī chin min tö för chōn, tö pāin, chōn kasòng inrē nö holre: Hòṅ tarik nö meuk, nö akahalōn, nö ngëicha, ngaich holre nö akaha elmat, tö e nö ngam kël ngam Mā Tēv tötī-iv tö e, tö ngam Töhĕng Töhet inrē aṅ Israĕl nö vīten e.