Popular Bible Verses from Isayā 35

Share

Ngaich havantöre min yip töhavaha tö ngam Mā Tēv, ngaich yih nö i Sīyôn nöng tikökṙôre; ngaich i kui cha min öp tötchanūhuvṙen ṙanāmölōn: ngaich cha-a min nö teūngen tö ṙanāmölōn, ngaich ngam miṙivlōn töngam anū-unglōn min nö falngöre.

Hangëken nup töt kalē-en yin kël hakôpkö nup tökichëyöre kui kinmônö. Ngö ṙô tö cha yip töt kalē-en ellōn, Hangëṅeṅre yin, ui pa-ekūö: yĕh meuk, yih an min ngam Tēv yīö nö kumtö invahalvah, kumtö inṙënngö aṅ im Tēv: yih an min nö hayööken yīö.

Ngaich tökiröng talöökö min ap umuh, talöökö inrē ngaich kaheūkö min angū-ö nö Talöökö Hanëtö; öt lök in e min yip tökuvīö; talöökö cha pöri min angū-ö: öt kānken e min yip kumröön tarik, hôṅ, yip tökulō-ov.

Ngaich min yip tötmeuk nö löpnyöre kūö mat, nup elnang yip töthang inrē nö löpnyörekūö.

Ngaich öp tökaṙòk tarik min nö tisôköre sā hāt, tikökṙôre min inrē öp litāk öp tötsalōhoṙō: pòn eltönyalnyi min nup mak nö pòplö, el tönyalnyi inrē nup kun töhëm mak.