Popular Bible Verses from Isayā 30

Share

Minë elnang meh min inrē nö hang ap ṙô lā-uk meh, nö ngö ṙô, Ngih ön talöökö lök in e yin, yē yīö kān lāhāmö, yē yīö inrē kān lātavē.

Lökten an min ngam Mā Tēv nö höktöre, pò ò nö hòṅ aṙē-ĕlōn tö yīö, lökten ò min inrē nö hapōilöngö, pòn hòṅ aheūkölōn tö yīö: pò ngam Mā Tēv nö Tēv inkaha fālen; tökôlò yip cha-a yip hamökken ò.

Pòn ngö ṙô ngam Mā Tēv, ngam Töhĕng Töhet in Israĕl, Yöölen yin min yĕi havan heuhtöre inrē; im höng nganöhö an ngam kumlēḵ yīö im inyönglen inrē: ngaich yī-ö sōḵ.

Pòrô ngam Mā nö kē-ĕkūö meh tö nyā-aṅkūö inkihten mak inkihten inrē, sön min yip mahaköpten meh nö öt hanyāti nö hēk, kôta mat pöri min me-eṅ meuk yip Mahaköptöre.

Pò yip tarik min nö iyöng Sīyôn nö i Yērsalem: hö-ö min me-eṅ ngaich ngöhöre ṙô peuiny; kô-en ap min nö aṙē-ĕlōn tö ṙô meh peuiny; yē ò min nö hang, sapṙô meh min anga-aṅ.

Tötkôlò yin vē nyīö ma-ahôngen, ṙô ngam Mā Tēv, vē kamë inlēnö, hö-ö pöri nö ṙā-ang in chu; vē mahanyatngöre tö inyatngö, hö-ö pöri nö ngam aṅ in chu ma-alaha, pò cha nö hòṅ ṙūöhten ngam tökööl nö im tökööl.