Popular Bible Verses from Isayā 25

Share

Ō Mā Tēv, me-eṅ man Tēv chu, hapōilen meh chin, ha-öiny ngam mine-eny meh chin min; pò meh ngaich tītö pingangkūö, tö inlēnö ik misī i kanô-en, i tökô-en inrē.

Ngaich an nö keuheūt nö ngeūṅktö ngam kinpaha nö urāngen; ngam Mā Tēv inrē min nö chūtngö mak mat nö ṙā-ang i kūö taṙòkhöre ngam minṙēngö yip tarik ò min inrē nö kē-ĕyö tö ò ṙā-ang i kūö në tumlat; pò e nö ṙô ngam Mā Tēv.

Ngaich min öp ṙô ip sakāmö angū-ö nö ngö, Yĕh meuk, anga-aṅ ön ngòh Tēv hī; höng hamökken ò in, anga-aṅ an min inrē mahayööken hī: anga-aṅ ngòh Mā Tēv; höng hamökken ò in, ṙāmölōn in min ngaich haṙamlōnre im inyööken aṅ in ò.

Ngaich anga-aṅ min nö i kui ngih rôngö nö piyāingö öp innyatngö tökahultu nö i kui yip tarik, öp kinṙulkui inrē tö kahultu nö i kui yip tarik, öp kinṙulkui inrē töhanyāknyu nö i kui taṙòkhöre pumnāmö tarik.

Ngaich i kui ngih rôngö min ngam Mā Tēv yip tömaṙôngö nö vītö nyā-aṅkūö yip tarik tö tösangööṙö alaha, tökiröng inôḵö vāin, i kui nuk kintū-ö rit, tösangöö alaha tööḵlö tösangöö eltangëḵ, nup vāin i kui kintū-örit nö tö halööktitvö.