Popular Bible Verses from Proverb 3

Share

Met ou konfyans dan SENYER avek tou ou leker; pa kont lo ou prop rezonnman. Rekonnet li dan tou sa ki ou antreprann e i ava gid ou lo ou semen.

Pa krwar ou tro saz; annan respe pour SENYER e elwanny avek sa ki mal.

Rann glwar SENYER avek sa ki ou annan, e avek premye fri tou ou bann rekolt. Alor, ou bann grennyen ava ranpli avek prodwi ou rekolt e ou bann barik pou deborde avek diven.

Reste touzour bon e fidel. Atas sa bann kalite otour ou likou; ekri zot lo lardwaz ou leker.

Mon garson! Pa rezet bann konsey SENYER, ni mepriz son bann lavertisman. Annefe, SENYER i koriz sa enn ki i kontan, parey en papa i fer anver son zanfan ki i prefere.

Mon garson! Pa oubliy mon lansennyman; gard mon bann komannman dan ou leker. Zot ava fer ou viv pli lontan e ou ava ere.

I byennere sa enn ki'n trouv lasazes, sa enn ki'n ganny disernman, akoz lasazes i raport plis ki larzan e i donn plis ki lor. I pli presye ki okenn perl; napa nanryen pli dezirab ki li.

Sak fwa ki ou kapab, pa refize fer dibyen sa enn ki dan bezwen.

SENYER ti poz fondasyon later avek son lasazes; lesyel ti ganny etabli par son konnesans.