Popular Bible Verses from Proverb 22

Share

Donn en zanfan bann bon labitid depi son zenn az; I ava ankor pe met zot an pratik dan son vye zour.

Larises, loner ek lavi, i rekonpans sa enn ki posed limilite e respe pour SENYER.

En bon repitasyon i preferab ki bokou larises; lestim ki dimoun i annan pour ou, i meyer ki lor ek larzan.

Pa frekant sa enn ki met li ankoler; pa asosye ou avek bann malsoufran.

Sa enn ki bon pou ganny beni, akoz i partaz son manze avek bann pov.

Ler maler i vini, en zonm pridan i war e i al kasyet; sa enn ki san leksperyans, i fonse e i pey son konsekans.

Sa enn ki ris i domin lo bann ki pov; sa enn ki demann prete i vin lesklav sa enn ki prete.

La sa ki ris ek pov i annan ansanm: SENYER ki'n fer tou le de.

Pa vol en pov akoz i mizer, ni kraz enn ki dan bezwen devan laport lavil. SENYER ava pled pour zot e pran lavi sa bann ki'n pran tou avek zot.