Pa dir: Mon pou rann lemal pour lemal.
Met ou konfyans dan SENYER
e i ava sov ou.

SENYER ki diriz tou nou lepa;
koman alor, en zonm i kapab konpran kote i pe ale?

Konsyans i en lalanp ki SENYER in donn bann imen;
i eksplor dan profon leker.

En proze dan leker en zonm i parey delo anba later.
En zonm avek disernman i konn servi sa delo.

Sa enn ki fer kalonmni i devwal bann sekre;
alor, pa frekant dimoun ki koz bokou.

I en loner pour sa enn ki evite fer kankan;
zis bann fou ki kontan pran kouler.

Sa enn ki zis i viv onnetman;
zanfan ki vin apre li pou byennere.

Popular Bible Verses from Proverb 20

Free Reading Plans and Devotionals related to Proverb 20