Popular Bible Verses from Proverb 13

Share

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Sa enn ki vey lo parol ki i dir, i protez son lavi. Sa enn ki koz tro bokou, pou konn larin.

En papa ki refize koriz son garson pa kontan li. Me paran ki kontan son zanfan, pa ezite koriz li.

Lespwar ki tarde realize i anmenn gran sagren; me en dezir ki realize i en pye dibwa ki donn lavi.

Lonnekte i protez sa enn ki azir byen. Mesanste i anmenn larin en malfeter.

Larises ki'n ganny vit i disparet vit; me larises ki'n ganny anmase ptitapti ava ogmante.

Larogans i provok zis dispit; lasazes i avek sa enn ki ekout konsey.

En bon dimoun i les en leritaz pour son bann pti zanfan; me sa enn ki zis pou erit lafortin en peser.

En zanfan ki saz i ekout lenstriksyon son papa, me en zanfan ensolan pa ekout okenn repros.

Sa enn ki refize aprann, pou vin pov e ganny meprize. Me sa enn ki aksepte kritik, pou ganny onore.