Popular Bible Verses from Proverb 11

Share

Sa enn ki zenere pour viv dan lopilans; sa enn ki donn delo pa pou zanmen swaf.

Sa enn ki donn avek gran ker, i vin ankor pli ris; sa enn ki pa rann sa ki i dwa, i vin pli pov.

Ler lorgey i vini, mepri i akonpanny li; me lasazes i akonpanny dimoun senp.

Ler napa bon direksyon, nasyon i tonbe; me bokou konseye i asir laviktwar.

Fri en dimoun ki zis, i parey en pye dibwa ki donn lavi; me vyolans i fini par pran lavi.

Sa enn ki rakont mansonz i osi devwal sekre; en konfidan i konn gard en sekre.

En bon dimoun i ganny rekonpanse; me sa enn ki kriyel i anmenn maler lo li.

Sa enn ki met son konfyans dan son larises pou tonbe; me sa enn ki zis, pou devlope parey feyaz.

Larises pa servi dan nanryen zour lakoler i leve; me lazistis i delivre dan lanmor.

Lonnekte i gid sa enn ki zis; me mesanste sa enn ki fo, i anmenn son prop destriksyon.

En zoli fanm san zizman i parey en bag annor dan nennen en koson.

SENYER i deteste en balans ki'n fose; me en pwa ki zis, i fer li plezir.