Popular Bible Verses from Romen 3

Annefe, tou dimoun in fer pese e in perdi mazeste Bondye. Me dan son bonte, Bondye in rann zot zis gratwitman par Zezi-Kri ki'n delivre zot dan pese.

Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon.

Bondye in ofer Kris an sakrifis, pour ki par lanmor Kris, sa bann ki krwar dan li i ganny pardon pese. Bondye in fer sa pour montre ki i touzour zis. Annefe, i ti zis dan letan pase, kan i ti montre son pasyans. I pa ti pini zonm pour son pese. Me ozordi ankor i zis, akoz i oule anmenmtan azir dapre lazistis, e rann zis tou sa bann ki krwar dan Zezi.

Annefe, napa personn ki pou pas pour zis devan li akoz in obei Lalwa. Lalwa i zis permet en dimoun konnen ki i'n komet pese.

Annefe, Lekritir i deklare: Napa personn ki zis, pa menm en sel. Napa personn ki annan disernman, personn pa rod Bondye. Tou dimoun in kit bon semen; zot in tourn ver lemal. Napa personn ki fer sa ki byen, pa menm en sel.

Annefe, nou krwar ki en dimoun i ganny zistifye par son lafwa, me pa akoz i'n obei lalwa.

Non! Sertennman pa. Fodre rekonnet ki Bondye i azir selon laverite, menm si tou et imen i manter. Annefe, Lekritir i deklare: Ou devre ganny rekonnet vre par ou parol e ganny ou zafer si ou ganny zize.