Popular Bible Verses from Egzod 15

Share

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

SENYER i mon lafors ek mon pwisans. Li menm mon sover. Li menm mon Bondye, mon pou loue li. Li menm Bondye mon zanset; mon pou loue li.

Lekel parmi bann bondye ki parey ou, SENYER? Lekel ki parey ou, e briye avek sentete, e ki fer bann mervey?

Dan ou fidelite, ou ti kondwir sa pep ki ou ti sove. Par ou lafors, ou ti gid zot ver ou demer sen.

Zot ti ariv Mara kot zot pa ti kapab bwar sa delo akoz i ti anmer. Alor, zot ti apel sa landrwa Mara, savedir anmer. Pep Izrael ti mirmire kont Moiz. Zot ti dir, “Ki nou pou bwar?” Moiz ti kriy ver SENYER e SENYER ti montre li en pye dibwa. I ti zet en morso dan delo ki ti vin delo dou. La ki SENYER ti donn lepep en lalwa ek en regleman; la osi ki i ti teste zot.