Popular Bible Verses from ROMMAI 6

Share

Daiolouzü mah vei zhosü athai baie, ana Eh Mapao Jisu Khrista vanou Ramai vei sapeina hai teisa ahri baie.

Daiolouzü mahye panou neletao vei paopu souwu laimoe, daiolouzü neletao hai razhai khehi bukhai more, ana Ramai zhuvea khehi bue.

Südonou Eletao vei dzükhao dayu hinou Eletaoye sü puhye koa povure ea puhvei athai nasü koa zha ngaozho loure, sübüa Puovei dushoyu khoukonou Khristaye athai hinou sou hrishu peiyu kua, Eletao-a hrü ashuna hinou hrüloure donoue.

Moa neletao vei pfüphao zha tali hai ashi vah soure basei kua mah hi thoupeiwuso, ana athai hinou ahri hi popa peiyu puletao kua lah neletao hrümai hai Ramai hi peio, alia neletao vei pfüphao zhatao sü poa acheche vah souloure donou puh hi thoupeio.

Alia Eletao nou süwe süolouzü mah pfüphao vei khouko naye sü souhawu loure donou ea sübüa Eletao hai mah kilai soupukhai more donou Eletao vei hrü akuna hai Khristaye koa puh kros vanou datheare.

Süzhaibüa, lah neletao hai mah hinou thaire ana Khrista Jisu vanou Ramaiye koa hriwe tea cholo.

Sükulouzü Ehnou dai paokhailai? Ramai zhuvea panou pukhe loure donou Eletao nou mah hinou hrüa bupu laiwu? Süsü movuzüe! Eletao sü mah hinou thaire, südonou kakua Eletao nou mah hinou hrüa bukhailai?

Haisü neletao nou süvuzüe süolouzü lah neletao nou maitali qila soua puh chi züre donou thoupeiyu kisü, süolouzü athai hi süthou loure mah vei qila souho, molouzü acheche hi süthaipa peiloure paoyu züyu qila sousa, chechenou neletao sü neletao nou züa buyu paopu sünavei qila soutare.

Ana Ramai kalo paowe! Daiolouzü teile lihi neletao hai mah qila soukhaia, neletao nou neletao hi peikhai touyu doupei zhai sünasü le teiteinou züloure. Südonou neletaoye mah hinou do soupeiwu-a panou acheche vei qila souloure.