Popular Bible Verses from TSÜCHITAO 3

Share

Nevei tsüle veishi nou peia MAPAO ye louchelo. Ne lah nevei tsü chokhai touyu nasü lülou chewuso. Nenou soupfüyu vah veishi hinou MAPAO ye licholo, sükulouzü puhnou neye checheyu ludu nasü ngaopeilai.

Lah neye tsüveiwe tea chowuso, MAPAO ye ngaopilo, ae ashi hinou tavai talo.

Nevei teidei hinou payu shinamara, potei hi ngaolou raitao ae veikayu nou poa MAPAO ye tsükhoua posheela peio. Sükua nenou souloure toulouzü, nevei thoubao sü phouloulai, alia nevei darkha dzübvü sü darkhadzü nou külyalai.

Rozüyu alia chilee checheyu nasü panou neye thaowua taso; süna haisü ne ngu hinou haolo; ne lethou pei hi rüthou khailo.

Anahna, MAPAO nou tukhayu hai ngaophou moyu souso, Puhvei tudei peiyu hai keinü moyu souwuso. Daiolouzü MAPAO nou leshiyu maiye tudei peiwe, puo mai linou jüpayu nah hi souyu büa soupeiwe.

Anahna, Enou ne hi paodou peiyu khesü ngaiwuso, sütao hai teisa nou licho-a bulo. Sütao nou neye hrüh shoyu alia savayu sü ne hi pove peilai.

Ratsü ngaolouyu mai alia tsüsü ngaolouyu mai hai asayu maie. Daiolouzü sühinou vilouna hai shahu hinou vilouyu najünou veie; alia süna vei hupayu hai sana jünou veipu hie. Ratsü hai muteichuh jünou mutei hie, alia nenou jüpa taralinoua poa sünaye nadalou hoe.

Mai talinou soukha peiyu jüpa-a buyu phaki, ae süsü nenou soukha lousüyu khouko bulouzü, vah aveih sünasü puh hi soupei moyu sü souso.

MAPAO nou deiphao hai puhvei tsüvei nou soushuloue, puhvei tsüsü nanou raki hai soushu peie.