Popular Bible Verses from TSÜCHITAO 13

Share

Tsüvei maiye sa-a tayu mai sü tsüvei palai, ana vomaiye sa-a tayu mai louzü veahoyu vedao-a bailai.

Lah müye tukha louyu mai sü lahvei hrü hai vulouwe; chaochao soua chi paoyu maisü lahvei hrü hai souhaloua baie.

Süra nah hai to-e, ana mü nah-wo zü-a baiwe. (Lah nahye tudee moyu maisü, nahye leshi moe; ana nahye leshiyu maisü tudee peiwe.)

Areih vetemoyu thaio tsüle pepoa baiwe, ana jüpa souche louyu nawo ahri süübe lie.

Acheche sünou chileeyu maili vei ludu sü khopeie, ana mah nanou mai ashi naye panou kaoduta-a baiwe.

Thahaha-a ngaolouyu chingiwo hataha bailai, ana tititou nou pojükhai louyu mainawo pulailai palai.

Mai chi chouba-a rochiyu nasü khaityayu likhei baie, ana mainou paodou peiyu züyu mai hiwo tsüvei sü bue.

Mai aveih mainou puhvei tounah mai hi nangi khesü kaa khaidai peiwe, ana mah maili vei chingi sü acheche mai donou pojü khaipeia baie.

Tsüveiyu nah linou puh puo vei paodou-apei sü keiwe, ana maiye ngaohiyu mailinou maichi kei moe.

Paodou peiyu chi pobayu maina sü touhayu ae hraongu ngao-a bailai, ana tudee peiyu chi keilouyu mai nasü tsükhou peiyu hai ngaolai.