Popular Bible Verses from TSÜCHITAO 11

Share

Tolayu mai liye sü soungi peilai, alia maiye soukha peiyu mai sü soukha hai ngaoloulai.

Mai kamai-a nou pangai khaimoa pei-zhi koutewe, anou toungipu pa-a baie. Mai kukheli nou peizütao-a peimoa totei sho-e, anou puhsü chejü-a baiwe.

Khaophu souyu maisü thasho-a hraongu vedao baiwe; ana tainou soumai hisü tsüvei bue.

Süthai peimai hayu hisü tyahrü hai kaoduta-a baiwe; ana douzü-apei mai pouyu buh hisü kaozhou veia bulai.

Acheche maivei rashiwo hriloure vei süübe alie, ana zhaipou shiyu nanou hrü sü pota-a baiwe.

Mü la-a maichi pao-a laiyu mai nanou kheichi pophao-a baiwe, ana louchelou veiyu mai nawo louzü kheichi poku peiwe.

Maiye zhuvea süyu hai lahye donou veia baie, ana hraishiyu mai sü lahye soushilou-a baiwe.

Lahvei nangiye louche-a buyu maisü kaki süünghou raitayu büa raita-a bailai, ana acheche mainawo louzü houki süünghou lapayu büa veishoa bulai.

Kini nou poa chaa ngaoyu teithe hio shupayu hae, ana checheyuo louzü athai hinou vupa peilai.

Mai aveih maiye tsüle sheeyu nanou süthai peilai, ana mai ashi maiwo louzü puletao vei shodo ashi sünou souha-a bailai.

Hüvei shoyu naotu linou puh hi aveih ashi sükulou süyu tsü hayu thaio, vo nghou hi sana bahkha ali khikhai touyu büa baie.

Kaomoyu sühdoukhao poyu maiye MAPAO nou ngaora-e, ana checheyu sühdou poyu maisü Puhnou jüpae.