Popular Bible Verses from 1 PITAR 2

Share

Ana neletaowo dopawuyu maitya nasüe, Veo kihi napao maitaoe, sheeyu tahrüh-e, lah Ramai vei maitaoe, süolouzü neletaoye teizhi hinou lah puhvei khupayu avahi kupa louyu Ramai puhnou puhvei khupa vahtao paongao peire donou neletaoye doloure.

Eletaoye panou mah hilonou thailoua acheche hilonou hriloure donou Khrista lahnou puh pfüzhonou Eletao mahsü kros vanou pfüpeire. Puhvei zheemütaonou neletaoye souvei peiwure. Daiolouzü neletaosü motayu zhaotao kheihao baie, anou chuwo zhaokhowo ea neletao rako khopeiyu puh thaisü panou füloure donou neletaoye podakhai vere.

Teile ali hiwo neletaowo Ramai vei maitaomoe, ana chuwo neletaowo puhmai souloure; teile ali hiwo neletaowo Ramai zhuvea sümoe, ana chuwo neletao nou puhvei zhuvea ngaoloure.

Nah-pumaitou kua neletao-a dushu paloua khailu loure donou teisanou rako vei naodzü sü züpalo

Asa khemaitao, deiphao hinou shesü-shetumai ali kua Enou neletao hi khowe. Neletao rakoye teisanou reih züa buyu pfüphao vei züpa nasü thaowuwo. Neletao zhaihrü sü tahrüh kukhe maitao hrohinou veitoua talo, sükua puletao nou neletaoye ashi souyumai tea mah dukhaiyu kisü, puletao nou neletao vei vah aveitaosü ngaoloua Ramaiye puhnou veyu teithe kihi paosholai.

Hriyu chuhtao kua tavelo, alia neletao nou sheeyu napaomaitao kua Jisu Khrista vanou Ramai hi rako hilo ea polou veiyu posheelayu natao popei-a kuvah soure buh rako vei rathoki soushupa loure donou neletaoye panou seilo.

Südonou neletao nou ashi teitei, amada teitei, aveikho souyu teitei, maiye ngaoraiyu teitei moa maiye sou-ahraoyu chi paoyu teiteisü thaokhaiwuwo.

Emainou bakhai-a Ramai nou muhteishoe tea dolouyu hriyu chuh Mapao hisü tavelo.

Mado soulouyu mai kua hrülo; sütoukhaia ashi taliye pokuloure donou neletao vei amado nasü seiwuso, ana Ramai vei kilaitao kua hrülo.

Daiolouzü neletao nou kaozüa souyu vah avei taonou tsühayu avomaiye panou paikhaimoa buyu sü Ramai nou züpae.