Popular Bible Verses from 1 PITAR 1

Share

Eletao Mapao Jisu Khrista Puo ea Ramai puhye paosho laikhe! Daiolouzü puhvei dushoyu zhuvea vanou Jisu Khristaye panou athai hinou hrishuloua puhnou Eletao hi hrü ashusü peiwure. Hainanou Eletao lekhe hisü hriyu areih nanou pothou phoupeire, alia südonou Eletao nou Ramai nou puhmaitaoye donou khaidapei khaitouyu kaa taosü zhida-a bue. Puhnou kaa sütaosü neletaoye donou rakihi khaipei khaitoue, alia sühisü sütaosü hakhai laimoe, soushiwu laimoe moa raitakhai laimoe.

Neletao nou chu phajü neletao hi vedao-a buyu veahoyu tyali haitao donou veashoa bukhai-a süna vanou salo. Veahoyu sütaosü neletao vei lühai cheche-e touyu popa ngaopeire donou baie. Souhalou veiyu sana koute-a mei hinou pothou dei-a zhai zhue; alia sübüa sana jünou koushoa muhteiyu neletao vei lü-a teisa panou buloure donou zhai zhuvu zülai. Süthaisü Jisu Khristaye ngaopeiyu teithe kisü neletaosü paoshoyu, kathe ea tsükhouyu sü ngaoloulai.

ana neletaoye kulouyu puhnou sheeyu kua neletao nou tayu zhai teitei hinou neletao lah shee-a bulo. Sheeyu larübvü hinou paoe, “Neletao nou shee-a bulai, daiolouzü Ewo sheewe.”

Paoyu züyu nahmaitao kua raiki neletao vei avoyu pfüphao züpa süna thaifüa tawuso

Südonou vah souloure neletao lehai souda khailo. Tsü pfüloua Jisu Khristaye ngaopeiyuki neletao hi peilaiyu zhuvea süna hisü neletao reitei-a bulo.

daiolouzü, “Emai hrülaisü pouhou kubaie, alia puletao vei kathe teiteisü rekouhi poupa kubaie, Pouhoutao-a vütabaie, alia poupatao-a raitabaie, ana Mapao vei chipaowo louzü teisanou bubaie.” Neletao hi paongao peiyu chipao haina hai Ko Avei nasüe.