Popular Bible Verses from 1 VEMAITO 18

Share

Oh MAPAO, Eye chila peio, Enou khoyu sü keinou peio, sükulouzü mai haitao nou ne hai MAPAO Ramai nasüe touyu sü panou sülo, ae nenou puletaoye ne hi sa-a dakhai veloue touyu sü panou sülo!”

Koukhe posheelare teile kouyu phaki, rachipaolawo Elijah nou posheelabu hi takouloua veachi paoe, “Oh MAPAO, Abraham, Isaak ae Israel maivei Ramai, zhou teithe ne hai Israel maivei Ramai nasüe, ae E hai nevei kilai-e ae hai khesü nevei kharochi thaifüa soua baie touyu sü panou sülo.

Elijah nou maisou hi takouloua nou paoe, “Teile kasho neletao nou tsüle ahai soua bukou laige? MAPAO hai Ramai-e toulouzü puhye tholo; ana Baal nou Ramai baie toulouzü puhye tholo.” Ana maisou sünou chi lia raomore.

Süthaisü MAPAO nou mei seikou peire, ae posheela peikhai touyuna, süü, chuh, ae deinai sü taoloure, alia pehao hi dzü lazü khaitouyu teitei sü chathewure.

Maikhe mainou haisü zhingaolou khaie, puletao nou pei pfüa nakoure ae haibüa paoe, “MAPAO hai Ramai süe; MAPAO likhei Ramai sü baie!”

Bakha anai vusü puhnou haibüa paoe, “Enou teihao bahzü deitouli hai zai hinou khaopa-a zhingaoe.” Elijah nou puhvei kilai nahi paoe, “Taho Veo Ahab hisü teirü kou puhye ngiloumo jünou rheiluki pfüloua tutawo tea paopeio.”

MAPAO vei khouko nou Elijah pei hi velou peia puhnou puhvei sah nou khya vealoua Ahab jünou rai-a Jezreel hi tuveloue.

Süthaisü Elijah nou Ahab hi paoe, “Chuo taho ha phoutoulo; teirü shisho vere kho sü Enou choure.”

Puhnou puhvei kilai mai hi paoe, “Tapa zai hilova zhukhaio.” Kilaio nanou taho zhuloua dakhai ve paoe, “Enou halia zhingao moe.” Elijah nou sübüa bakha anai koute hai taho zhukhaio tea paoe.

Süthaisü Elijah nou maisou hi paoe, “Ahi tanghi koulo,” ae maisou nou puhye sühao loure. Soushi khaitouyu MAPAO vei posheelabu nasü puhnou soushupu loure.

Süthaisü Baal vei rachipaolayu maitaoye panou puletao vei rah hi veachi paokhaio, ae E-a MAPAO hi veachi paolai, alia veachi paoyu keipeia mei seikou peiyu nanou Ramai-e tea polai.” Maisou sünou süsü kaore tea shapaore.

Elijah nou chuh kiahai, “Ne zhih hai Israel tea kulai,” tea MAPAO nou paopeiyu, khü che hinou chuh alili hai Jakob vei nahpoutu kiahai vei zhih thaifüa poloure.

Hea touchü kouyu phaki Elijah nou puletao ye konüa paoe, “Pai chipua nou veachi paokhaio! Puh sü rah-e! Puh sü tsücho-a buyuma sülou hoe, moa so-a bubulai, mokhaiyuma buh kukhe hi veita bulai! Molouzü puh hai zhi-a memua nou bulai, neletao puhye kailo!”

Ae puhnou MAPAO ye thore donou chuh haitao nou poa posheelabu sü souloure. Ae puhnou posheelabu pehao teitei sü dzü litar kiadai loulou süyu phasü deibvü hethou loure.