Popular Bible Verses from 1 VEMAITO 17

Share

Daiolouzü Israel maivei Ramai MAPAO nou haibüa paoe: ‘MAPAO nou teirü seive peimo koute bvü hinou sou ae theadzü sü halai moe.’”

Gilead teidei hinou Tishbi puona Elijah nou Veo Ahab hi paoe, “Enou kuvah soua buyu Israel maivei Ramai MAPAO vei zhih hinou ne hi paowe, süolouzü po ahai asü koute hai Enou paopeimo koute teirülai moe moa jidzü koutea koulai moe.”

Elijah nou honapai hi paoe, “Leveaso, taho sütao nou nevei tovai sü souda khaio. Ana rai-a Eye raokhao phe ali souloua popa peiraio, ae süthaisü nou ne nahpoutu nehai vei soulo.

Ae honapai nou chila peie, “Hria buyu nevei Ramai MAPAO zhih hinou chaachou soua paowe, süolouzü ahi toure raokhao liro hare. Ahi buyu louzü khaosao hinou sou bahzü ali ae oliv theadzü daotuli hai bvü hinou buyu baie. Chu Enou süü phouyu hai anahpoutu ahai koa nou sütao tounou akhai vei tovai soua khotouloua thai-a bailaire tea bue.”

“Chuo taho Sidon maivei teidei, Zarephath nuhdu hinou hrütawo. Sühinou hrüa buyu meamaipfü ali hi neye panou kipeire donou Enou kharochi peikhaitoue.”

MAPAO nou Elijah hinou paopeiyu chipao thaifüa khaosao hisü sou hai ha moe, ae bvü hisü theadzüa theta moe.

Elijah nou honapai hi paopeiyu büa honapai nou soupeie, ae puletao mai hrülai nou teithe taoli hai touso sü ngaotou kouloue.

Südonou puhnou Zarephath nuhdu hisü tare; ae puhnou nuhdu vei rokhubomü hi talouyu phaki, puhnou mimeapfüpai ye sü meideire süü pfüa nou daoloue. Puhnou honapai hisü paoe, “Eye zhuvea nou kere dzü peio.”

Reitou süna hinou ne dzü keyu hai ngaoloulai, ae Enou neye panou touso pove peire donou rehoutao hisü kharochi peilai.”

Ae honapai nou dzü popeilai tea tayu phaki, puhnou haibüa paopue, “Zhuvea nou Eye touso daotulia ne bah hinou popa peio.”

Puhnou rei hinou dzü sü ke-e ae rehoutao nou sho-kou hai puhye raokhao alia sou sü pove peie.

Teile daotu thaisü teirü moyu donou reitou nasü dzü thetare.

Honapai nou chila peie, “Chuo ne hai Ramai vei mai-e ae MAPAO nou neye chaku peiwe touyu sü Enou süloure.”

Elijah nou MAPAO vei kharochi züa Kherith reitou buyu hisü taho hrütare.

MAPAO nou Elijah vei veachi sü keinou peie; ae nahtou nasü ssü haipare ae tsüshu loure.