Popular Bible Verses from 1 JOHAN 3

Share

Anah khe maitao, Eletao leshihai chipao moa chi phakuyu likhei hinou bailai mokhe anou vah ea acheche hinou leshilou laikhe.

Hai vanou leshi nasü Eletao nou süwe, süolouzü Khrista nou Eletaoye donou puh hrümai nasü thoupeiwure. Südonou Eletao-a Eletao thaihou jürai maitaoye donou Eletao vei hrümai nasü thoupei züe!

Zhukhaio, Puonou Eletaoye daizhozhou leshi peiresa! Puh leshihai dushoe süolouzü Eletaoye sü Ramai vei nahmaitao tea kupeire; alia südonou cheche-a Eletao sü sübaie. Qo haina vanou deiphao mainou Eletaoye sümoe; daiolouzü sünanou puhye sümoe.

Mah soua buyu maitalisü Rashina hinou ve, daiolouzü shurai hinou Rashi nanou mah soure. Ramai Nah poutuwo nou veyu vei qowo louzü Rashi navei vahtaoye souhare donoue.

Ramai hilonou nalouyu maitalinou mah soua bumoe, daiolouzü Ramai vei zhai vuzü nasü puh hi bue; alia Ramai hai puh Puo baiyu donou, puhsü mah soua bulouhoe.

Hani mai alinou puh thaihou jüraihi moshilaiyu bue touyu sü ngaoloukhaia, puh lesü puh thaihou jürai hilo khuwu louzü, puhnou kabüa puh hai Ramaiye leshiwe tea paoloulai?

Ramai chikha züyu mai hrülai nou Ramaiye koa ali soua hrüwe ea Ramai nou puhye koa ali soua hrüwe. Alia Ramai nou Eletao hi peikhai touyu Rako süna vanou Eletao nou süwe süolouzü Ramai nou Eletaoye koa ali soua hrüwe.

Hai vanou thaoh thaohmainou Ramai nahtao ea thaoh thaoh mainou Rashi vei nahmaitaoe touyu sü süloue: acheche vah soumoyu moa puh thaihou jüraiye leshi moyu maitalisü Ramainah moe.

Neletao nou shurai hinou choulouyu chipao nasü haire; Eletao alinou liye leshi vuzülai.

Südonou Athaihou jürai khemai, deiphao mainou neletaoye ngaora louzü khupawuso.