Popular Bible Verses from 1 JOHAN 2

Share

Deiphaoye moa deiphao hi buyu nataoye leshiso. Maitalinou deiphaoye leshi louzü, Puoye leshiyu nasü puh hi hae. Daiolouzü deiphao hi buyu na teitei, süolouzü kezhe züpa, nghithou züpa ea khaophu soua hrüyu haitao teitei talia Puo hinou vemoe, ana deiphao hinou vebaie.

Deiphao ea sühi buyu emainou züpayu ha teiteisü tabaiwe; ana Ramai vei leli souyu puhsü teisanou hriwe.

Ramai hinou tobai soumoa bue tea paoyu puhnou Jisu Khrista nou hrüyu bütoua hrüvu zülai.

Anah khe maitao, neletao nou mah soulou more donou Enou haisü neletao hi rüwe; ana maitalinou mah souwu louzü, Eletao sühsoua Puo nghojü hinou chi veikhayu maili bue—puhsü Jisu Khrista Achecheo nasüe.

Maitalinou puh hai Ramaiye süwe tea paokhai-a, puhnou puh chikhataosü zümo louzü, sübüyu maisü dayumai baie ea acheche nasü puh hi hae.

Eletao nou Ramai vei chikhatao züa bulouzü, süvanou Eletao nou Eletao hai puhye süvuzüe touyu sü süwe.

Maitalinou puh hai avahi bue tea paokhaia, puh thaihou jüraiye ngaora louzü, chukoutea puhsü teizhihi buhie.

Sübülouzü dayu nasü thaoh-e? Puhsü Jisu hai Khristae touyu bayu nasüe. Sübüyu mainasü Puo ea Nahpoutuye bayu Khrista vei ngaobamai sünasüe.

Daiolouzü Nah Poutuye bayu maitalinou Puoye-a babaiwe; Nahpoutuye popeiyu puhnou Puoye-a popeiwe.