Popular Bible Verses from JOELA 2

Share

“Tûnah pawh,” tih hi LALPA thuchhuak a ni, Simin ka lam lo hawi rawh u, Chaw ngheiin ṭap ula, chiau vawng vawng rawh u.

“Chumi hnuah chuan, Mi zawng zawng chungah ka thlarau ka leih ang a, In fanu in fapaten ka thu an hril ang. In upaten mumangah an mang ang a, In tlangvâlten inlârnate an hmu ang.

In puan pawtthlêr lovin tihtakzetin inchhîr ula, LALPA, in Pathian hnênah kîr leh rawh u; Ani chu khawngaihna ngah, lainatnaa khat, Thinnel tak leh hmangaihnaa khat a ni a; Thil ṭha lo thlentîr a hreh êm êm a ni.

Tu pawh LALPA hming lam apiang chhandam an ni ang a, Zion tlâng leh Jerusalem-a mi ṭhenkhat chuan an pumpelh ang a, Ka mi thlante chu an him ang,” LALPAN a tih ang khân.

Ni a thim ang a, thla pawh a sen khuih ang, LALPA ni ropui leh râpthlâk tak a lo thlen hma chuan.