Popular Bible Verses from Matie 7

Share

Jesu í ni má, i ya tɔɔ ŋa, aa mu nŋɛ. I ya dɛdɛ ŋa, aa ba ŋa. I ya cã gambo ŋa, aa cĩ nŋɛ.

Ntɔ ntɔ, inɛ iyi wa tɔɔ fei, aa muaa. Inɛ mɔ iyi wa dɛdɛ fei, á ba. Inɛ mɔ iyi wa cã gambo fei, aa cĩa lafɛ̃ɛ.

Jesu í kpa nŋa mɔnda má í ni, na nŋu, inɛ iyi í gbɔ ide iyi ǹ wa n fɔu ihɛ̃ fei nɔ wa jirimaɛ, á yɛi bɛi mɔkɔ ilu bisi iyi í ma ileɛ si kuta.

Na nŋu, mii iyi ì bi inɛ ŋa a ya ce nŋɛ fei, iŋɛ mɔ i ce nŋa bɛɛbɛ ŋa, domi iyi bɛi í jɛ icui idei kukɔsii walii ŋau do ti woodai Moizi ŋa.

Amma kpãa iyi wa bɔ bi kuwɛɛ hai tã í mante, andɛɛ kù cĩ. Nɔ inɛ ŋa iyi à yɛ kpãau à waa tooɛ a kù kpɔ.

Í sɔ̃ ŋa má í ni, koofa nla do kpãa ku cĩ gɔ í wɛɛ, do minjisia ku mongolo gɔ iyi wa bɔ ala nwa. I lɔ do koofa ku mongolou ŋa, domi koofa nlau do kpãa ku cĩu, bi ikui wa bɔ, nɔ inɛ nkpɔi wa too do bɛ.

Debɛi, bii iŋɛ iyi ì ya ce laalɔ ŋa ì mà mii jiida ku na ama nŋɛ ŋa, ì waa tamaa mà Baa nŋɛ iyi í wa lele kaa mua inɛ ŋa iyi à waa tɔɔɛ mii jiida ku re bɛɛbɛ ŋa?

Jesu wa fɔ má í ni, i maà ya kiiti inɛ ŋa ku ba Ilaaɔ̃ mɔ ku maà kiiti ŋɛ. Ntɔ ntɔ, ǹ wa n sɔ̃ ŋɛi, do yaase bɛi ì ya maa kiiti inɛ ŋa, bɛɛbɛ mɔi Ilaaɔ̃ mɔ á na ku kiiti ŋɛ. Nɔ si gũa bii ì wãaò inɛ ŋa, si bɛ mɔi aa wãa iŋɛ mɔ.

Amma awɔ iyi ì gbɔ ide iyi ǹ wa n fɔu ihɛ̃ fei nɔ i kù saaluɛ, aa yɛi bɛi mɔkɔ nnyɛi iyi í koo í ma ileɛ si sãai ido.

Na mii í ce ì waa yɛ fɔfɔ keeke iyi í wa si ijui kpaasiɛ nɔ i kù yɛ jĩi ite iyi í wa si titɛɛ. Bɛirei aa ce i sɔ̃ kpaasiɛ i ni, jɔ̀ n nyaɛ fɔfɔ si ijuɛ, awɔ iyi jĩi ite í wa si tɛɛ.

Jesu í ni má, i ya ce laakai ŋa do walii ilu ibo ŋa. À ya naa bi tu ŋɛi bɛi angudã ŋa, amma idɔ nŋa í yɛi bɛi idɔi mbo ŋa. Aa yɔkɔ i mà ŋa ŋai si kookoosu nŋa ŋa bɛi à ya mà jĩi hai si isoɛ. A ci ya ka isoi rezɛ̃ɛ si agũ. Nɔ a ci ya ka figi si agũ fũfũ.

Jĩi jiida fei iso jiidai í ya so, nɔ jĩi laalɔ mɔ ku so iso laalɔ.

Jĩi jiida kaa yɔkɔ ku so iso laalɔ, bɛɛbɛ mɔi jĩi laalɔ kaa yɔkɔ ku so iso jiida.

Nɔ jĩi iyi kù waa so iso jiida fei à ya daai a dasi ina.