Popular Bible Verses from Matie 6

Share

Na nŋu, i hanya titã ŋa i ce idɔɔbii Ilaaɔ̃ do bɛi aa ce i jɔ̀ bommaɛ ku bɔ waju. Iyi í gbe bɛi fei Ilaaɔ̃i á kɔ̃ɔ nŋɛ si.

Ajɔ fei wahalaɛ í ya tooi. Na nŋu, i maà kpataò ala ŋa, domi ala mɔi á mà tɛɛ.

Na nŋu ǹ wa n sɔ̃ ŋɛi, i maà ya jɔ̀ zigi nŋɛ ku maa da do mii iyi aa jɛ i maa wɛɛò ŋa, walakɔ do jĩnɛ iyi aa dasi ŋa. Kuwɛɛi amanɛ í re ijɛ, ara mɔ í re jĩnɛ.

Amma iŋɛ, bii ì waa ce kutɔɔ ŋa, i lɔ hee ilaawa i cĩmbo ŋa, i tɔɔ Ilaaɔ̃ Baa nŋɛ bɛ tengi bii inɛ gɔ kù waa yɛ ŋɛ, nɔ Baa nŋɛ iyi wa yɛ mii iyi wa manji fei á sã nŋɛ.

Bɛi í sĩa i ya ce kutɔɔ ŋa wee. Ilaaɔ̃ Baa nwa iyi í wa lele, jɔ̀ inɛ fei ku mà iyi awɔi ì jɛ inɛ kumaaju. Naa i jɛ bommaɛ. Jɔ̀ inɛ fei ku ce idɔɔbiɛ si ilɛu ihɛ̃ bɛi à waa ce lele.

Mu nwa ijɛi ajɔ fei nwa.

Kpa idei dulum du wa bɛi awa mɔ à ya ka kpa idei kurara iyi inɛ ŋa à ce nwa.

Maà ti i jɔ̀ ka dasi kulɛlɛ, amma nya wa hai si awɔi Seetam. [Domi awɔi ì nɛ bomma do gbugbã do amboe hee do ajɔ fei. Ami.]

Nɔ í nyi í ni má, bii ì ya kpa idei kurara iyi inɛ ŋa à ce nŋɛ, Ilaaɔ̃ Baa nŋɛ mɔ á kpa idei dulum du ŋɛ.

I cɔ yɛi ŋa iyi à waa fo lele. A kù waa gbɛ̃ hee a da ngɔgɔ a dasi suu. Do nŋu fei, Baa nŋɛ iyi í wa lele wa wo ŋa. I kù mà ŋa iyi bɛɛrɛ nŋɛ í re ti yɛi ŋau bɛ?

Í sɔ̃ ŋa má í ni, i maà ti i dɛdɛ amani si andunyau ihɛ̃, bii tũtũ ŋa aa jɔɔ, do bii á mu atɛ, do bii ile ŋa aa lɔ do gbugbã a koo a ce ileɛ. Amma i dɛdɛ amanii lele bii kaa mu atɛ nɔ tũtũ ŋa a kaa yɔkɔ a bɛjɛɛ, nɔ ile ŋa mɔ a kaa yɔkɔ a lɔ a ce ileɛ. Ntɔ ntɔ, í sĩa i dɛdɛ amanii lele ŋa domi bii amani nŋɛ í wa, bɛi laakai nŋɛ mɔ í ya wa.

Jesu í sɔ̃ ŋa má í ni, inɛ gɔ kaa yɔkɔ ku cea lafɛ̃ɛ minji icɛ ajɔ. Ntɔ ntɔ, á cé inɛ akã nɔ ku bi inɛ akã, walakɔ á jirima inɛ akã nɔ ku donda inɛ akã. I kaa yɔkɔ i too Ilaaɔ̃ do fia ajɔ ŋa.

Fɔfɔ í wɛɛi nnyi do kusĩaɛ amma ala aa dasiɛ inai. To, bii Ilaaɔ̃ í mua fɔfɔ ŋa iyi aa na a dasi ina booda kusĩa bɛɛbɛ, kaa yɔkɔ ku mu nŋɛ nyau ku re fɔfɔ ŋau bɛ de. I kù yɛ naanɛ nŋɛi kù la?

Amma iŋɛ, waati iyi ì waa mua ilu are ŋa ngɔgɔ ŋa, i maà jɔ̀ awɔ canga nŋɛ ku mà mii iyi awɔ njɛu wa ce, ku ba amua iyi ì waa ce ŋa i coo si afei iŋɛ minji. Nɔ Ilaaɔ̃ Baa nŋɛ iyi wa yɛ mii fei á sã nŋɛ ribaɛ.

Jesu í fɔ má í ni, bii ì waa ce mii iyi Ilaaɔ̃ í jilɛ nŋɛ, i ya ce laakai ŋa i maà coo si bantuma. Bii ì waa coo si bantuma ku ba inɛ ŋa a yɔɔ, i kaa ba riba kãma hai bi Baa nŋɛ iyi í wa lele.

Jesu í ni má, bii ì waa ce anu ku dĩ ŋa, i maà ya jɔ̀ waju nŋɛ ku nyisi wahala nŋɛ bɛi ilu muafiti ŋa à ya ce. À ya kpaasi waju nŋa ku ba inɛ fei ku yɔɔ iyi à waa dĩ anu. Ntɔ ntɔ ǹ wa n sɔ̃ ŋɛi, inɛ nŋu ŋa à ba riba nŋa fei tã. Amma iŋɛ, bii ì waa dĩ anu, i wɛɛju sãa sãa ŋa nɔ i jɔsi waju nŋɛ ikpo ku ba inɛ ŋa a maà mà iyi ì waa dĩ anu ŋa, í gbe Ilaaɔ̃ Baa nŋɛ iyi í wa bii a kù waa yɔɔ. Nɔ Baa nŋɛ iyi wa yɛ mii iyi wa manji fei, á sã nŋɛ.