Popular Bible Verses from Matie 23

Share

Inɛ iyi í jɛ inɛ ngbo nŋɛ nŋui í nɛ ku jɛ woo ce icɛ nŋɛ.

Inɛ iyi í so araɛ lele, aa kayeɛi, inɛ mɔ iyi í kaye araɛ aa soo lelei.

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ ì waa na Ilaaɔ̃ akã si mɛɛwa fei si nyaui ayɛ ŋa, amma ì waa gbɛjɛ mii iyi í la í re si wooda ŋa. Mii ŋaui í jɛ idɔɔbii Ilaaɔ̃ ku ce do araare ku nyisi do ilu naanɛ ku jɛ. Nŋu ŋau bɛi í jɔ i ce ŋa, nɔ i maà gbɛjɛ iyi í gbe ŋau.

Iŋɛ woo kɔ inɛ ŋa si wooda ŋa do Farisi ŋa, iŋɛ ilu muafiti ŋai. Aa yɛ ijuukpã ŋa, si na iyi í jɔ̀ anyii kɔɔfu do ti jɛɛ ŋai ì ya wiɛ ŋa, amma hai si binɛ laalɔ do ilei ì baò mii ndii inɔɛ ŋa.

Jesu í ni, iŋɛ inɛi Zeruzalɛmu ŋa, iŋɛi ì ya kpa walii ŋa nɔ i ta amaabɛi Ilaaɔ̃ ŋa mɔ kuta i kpa ŋa ŋa. Isɛ fɛloi ǹ ya n bi n tɔtɔɔ ŋɛ si abɛm bɛi ajɛɛ í ya tɔtɔɔ amaɛ ŋa si ikpaɛ, amma i kù jɛ ŋa.

Bɛɛbɛ mɔi iŋɛ taka nŋɛ, bii inɛ ŋa à waa yɛ ŋɛ, iŋɛ inɛ jiida ŋai, amma si idɔ nŋɛ muafiti do laalɔi wa kɔ̃.