Popular Bible Verses from Matie 15

Share

Amma ide iyi í ya fita hai si gɛlɛ, hai si idɔi wa naa. Nŋu bɛi wa dasi amanɛ riisi, domi hai si idɔi amanɛi lasabu laalɔ wa naa. Inɛ ku kpa, do sakara, do sɛ̃ɛ ku tɔtɔɔ do mudɛ̃ɛ hai ce abɔdɔ̃, do ile, do sɛɛda ibo, do inɛ ku bɛjɛ, mii ŋau bɛ fei hai si idɔi wa naa

Kù jɛ mii iyi wa lɔ hai do gɛlɛi amanɛi í ya dasiɛ riisi. Amma mii iyi í ya fita hai si gɛlɛi amanɛi á dasiɛ riisi.

inɛ ŋau ihɛ̃ à waa jirimam nii do gɛlɛ nŋu akã. Amma idɔ nŋa í jĩim. Kutɔɔ iyi à waa ce ngbɛi, domi woodai amanɛ ŋai à waa kɔ inɛ ŋa si nɔ à waa ni woodam nii.

Nɔ Jesu í jɛaa í ni, abooyi, naanɛ ku dasiɛ í la. Bɛi ì bi fei á ce. Nɔ gbakã ama inaaboɛu í ba iri.

Amma abou í naa í gulɛ si wajuɛ í ni, Lafɛ̃ɛ, sobim. Nɔ Jesu í ni, kù sĩa a gba ijɛi amu ŋa a na aja ŋa. Ŋɔi abou í ni, ntɔi Lafɛ̃ɛ. Amma do nŋu fei, aja ŋau à ya wa abɛi taabu a maa jɛ buubuui ijɛ iyi wa cuku wa hai si taabui lafɛ̃ɛ nŋa ŋa.